Achterhoek Ancestors

Henrick Rasehorn

Male - Bef 1553


Personal Information    |    Notes    |    All    |    PDF

  • Name Henrick Rasehorn 
    Gender Male 
    Died Bef 1553 
    Person ID I48565  Population of Aalten, Bredevoort, Dinxperlo and Winterswijk
    Last Modified 3 Nov 2009 

    Children 
     1. Peter Rasehorn,   b. Bef 1533
     2. Grete Rasehorn,   b. Bef 1533
     3. Reijner Rasehorn,   b. Bef 1533
    Family ID F20625  Group Sheet  |  Family Chart

  • Notes 
    • 23 maart 1553:
      Peter Rasehorn/ Paschen Hackenbroick und Grete
      Rasehorns/ Paschen vurgenanter huisfrouwe/ vermidtz
      densolven oren man und mumbar hebben be-
      kant voir on und oren erven dat zie uth oren ripen
      walbedagten rade und frien willen voir ein summe
      geldes die on wall to willen vernoget und betalt
      were/ hedden redelick und reckelich in enen steden vasten
      erfkoep verkoft/ opgedragen und overgegeven Bernt
      ten Doirgange/ Annen siner huisfrouwen und oren
      erven/ dat erff und guet Lorvinck/ wu hem den verkopers
      datsolve van oren seligen vader Hinrich Rasehorn ange-
      storven und in gebruick gehat heft/ Und wu dat
      in siner bepalunge und alingen olden und nijen to-
      behoir und gerechticheit/ in den kerspell van Alten
      in der buirschap Iserlo gelegen is/ Und hebben
      dairup mit hant/ halm und munde erflige vertich-
      nisse und utganck gedaen als erfkoips recht is/
      Darbeneffens voir on und oren erven gelavet gude wair-
      schap und noch vorder und beter vestenisse t'doen/
      darmit die kopere und oir erven to leen- to lant-
      rechte und allen andern rechten wall verwaret ange-
      holden und onbedrogen sin und bliven sollen/ be-
      holtlich so der heggen halven ennich mangel queme
      dat zie die verkopere of oir erven dersolver gien
      wairschap t'doen schuldich sin sollen.

      Item Peter Rasehorn heft widers voir sich und sin erven
      versekert und gelavet/ so Bernt ten Doirgange sin
      huisfrouwe und oren erven deses kopes und gudess
      halven in ennich gebreck/ hinder/ schade of anfor-
      derunge/ besperunge of indragt queme/ und
      derhalven angelangt worde und oick mit desen
      utganck nit g'noichsam versekert weren of worden/

      Folio 30

      heft Peter dairvoir to waerborge und ge-
      stalt sin erf und guit Bullenslo in Lintelo (gelegen)/
      dat die kopere sich des allenthalven dairan und an
      alle andere sin guder solle verhalen mogen/ Desge-
      licken heft Peter oick gelavet dat hie Bernden und
      sinen mitbeschreven/ sinen broder Reijner Rasehorn
      afdoen und afdragen solle und wille/ der gestalt dat
      Bernt und sin medebeschrevenen van Reiners halven onbefor-
      dert und onbemoiet sin und bliven solle/ Sunder argelist.
      In densolven gerichte hebben Bernt ten Doirganck und
      Anna sin huisfrowe bekant schuldich to sin Paschen
      Hackenbroick und Greten siner huisfrouwen und oren erven
      twehundert und vifundtwintich enkele bescheidene Jochim-
      daler of dertich faluerde(?) brabantse stuver voir ider daler gelagt
      und getalt/ Und hebben gelavet hem jarlix up
      Mitfasten/ acht dage voir of na onbehalt/ van 16
      dersolver pennungen ene t'geven to verhangelden
      und wall t'betalen under penen der pendunge na lantrecht uth oren gekoften erffe
      und gude Lorvinck in den kerspel Alten gelegen/ und voirt uth allen andern horen
      erftaligen und gereden gudern die hierin binnen of buten den Ampte
      Brefoirt hebben of krigen mogen/ Warup zie/
      die benompte Bernt ind Anna/ elude/ voir on und oren
      erven mit hant und munt vertichnisse und uth-
      ganck gedaen hebben/ wu zie solx na lantrecht t'doen
      schuldich weren/ Darbeneffens versekert und
      gelavet deser renten und verschrifunge gude
      warschap und noch alle tit vorder und beter veste-
      nisse t'doen/ beholtlich dat zie desolve rente sollen mogen
      losen und qwitkopen na luet und vermoge orer
      zedelen und hantschriften van sekere rocgen koepmanschap
      zie mit den andern binnen Grollo hedden geholden/ Und
      als Bernt den rocgen gelevert heft/ sal hem an der
      erster lose gekort werden/ darvan Paeschenn hem
      gerichtlige certificatie geven sall/ Und so Paschen
      deses opdragtz und kopes halven in ennigen hinder und
      schade queme/ sall hie an Berndess guder vurgenant ver-
      halen mogen und Bernt voir Paschen buten Paschen
      onkosten intreden/ Sunder all argelist.
      Bron: ADW, ORA Bvt inv.nr. 40 fol. 29v-30



Library z-lib z-library zlibrary project