| Notes |
- Hofboek 1589:
folget die wesselbrieff dairvan jetz meldungh geschiet.
Wir Geirtrude geborne dochter zu Milendunck freifrauw zu Anholt, bannerfrauw zu Bair und Latum Pandtfrauw zu Bredefoirt, wittib etc. thon kundt und betzugen mit desem onsen offenen brieff vuir uns unse erben und nachkomen, demnach Greta Merdinck der herlichkeit und uns tragender pandtschap Bredefoirt mit hoffhorichkeitt anhero zugethan und verpflicht gewesen so is das wir durch ihr underthainlich pitlich anhalten und ersuchen seij al sulcher dienstbarkeit und hoffhorichkeitt erlassen und gefreijet haben, thon das auch hiermit und in crafft deses brieffs also und dergestalt, das sein obgemelten frei gelassene ires geliebten broders Johan Merdings eheliche hausfrauwe an ire stat constituieren und sich hiervoir alsolcher hoffhorichkeit und wie hoves recht is gemes halten desselben auch wie andere hoffhorige geniessen und gebruichen sol, alles ohn gefehrdt und argelist, in urkundt der wairheit haben wir unsen angepornen insegel wissentlich unden an desen brieff thun hangen und unsen christlichen namen mit eigne henden underschrieben, geben Anholt ahm zweiten Maij ihm funffhundert und neuntzichsten jare.
Bron: Hofboek p. 726, 727
|
Achterhoek Ancestors
