Achterhoek Ancestors

Willem Storm

Male


Personal Information    |    Notes    |    All    |    PDF

  • Name Willem Storm 
    Gender Male 
    Person ID I39458  Population of Aalten, Bredevoort, Dinxperlo and Winterswijk
    Last Modified 3 Nov 2009 

    Mother Gebbe Storm 
    Family ID F19593  Group Sheet  |  Family Chart

    Children 
     1. Gert Storm,   b. Abt 1510
     2. Johan Storm,   b. Abt 1513
     3. Nale Storm
    Family ID F19594  Group Sheet  |  Family Chart

  • Notes 
    • 8 maart 1553:
      Jaspar Neels und Johan Walraven/als man ind mumbar
      siner huisfrouwen Gertgen Neels/ spreckt an up gerichtlige
      bedagunge umb kuntschap der waerheit Locke Storms
      ind Johan ter Slicht/ wes densolven wittich ind
      kundich/ wu in voirtiden die pacht van den erff
      ind gude Ter Slicht gebragt ind betalt sij worden/
      Ind wu Wilhm Storms erst in gebruick gekomen
      und diesolve pacht jarlix van den vurs. gude geboirt
      ind wu Wilhm oick dat huis binnen Brefoirt/ dair
      hie itzunt in wont/ mit sin tobehoir in gebruick
      gekregen ind gekomen sij/ und mit wat titell hie
      dat noch besitte/ Und wes hem vorder hirvan
      in allent wittich ind kundich sij/ Die wairheit ind
      gerechte getuichnisse t'geven bij penen van 100 goltgulden ind
      schaden mit rechte.

      Na ontschuldunge des schadens ind hoichlige aviserunge
      des meinehedes ind dessolven straffe/ hebben zie uth dwanck
      des rechten getuget.
      Locke tuget dat oir wittich sij dat in voirtiden die
      pacht van den erff ind gude betalt ind gebragt plach
      t'werden seligen herrn Gerrit Storms unnd
      Gebben siner suster/ dan wu lange solx verleden
      is oir entlich nit bewust/ Weet och nit mit wat
      recht of titell Wilhm Storms dersolver pacht in
      borunge gekomen sij/ Dan oir is bewust dat her
      Gerrit Storms ind Gebbe vurs. suster ind broders ge-
      west sint ind Gebbe was itzigen Wilhm Storms moder/
      Ingelicken weet zie oick nit wu ind mit wat titel
      Wilhm Storms an dat huis mit sin tobehoir binnen
      Brefoirt gekomen sij/ Dan Wilhm plach mit sin
      moder vurgenant darin to wonen und mit der wonunge
      darin gebleven/ Anders is oir up die ansprake
      nit wittich.

      Johan tuget dat hie up den erff ind gude Ter Slicht
      geboren ind getagen sij und dat so lange on gedenckt/
      dat ongeferlich bij 40 jaren sin soll/ plach die pacht
      van den solven erve gebracht t'werden seligen Gebbe
      Storms/ itzigen Wilhm Storms moder/ und her Gert
      Storms/ Gebben broder/ plach ock darmit van to
      boren/ Und dat Wilhm Storms na hern Gerdes
      ind Gebben vurs. doden/ dersolver pacht voirt
      in borunge gekomen sij/ mit wat recht off titel
      is hem/ den tuich/ onbewust/ Dan na Gebben ind
      hern Gerritz doden/ hebbe Wilhm/ Johanne den tuich/
      als pechter die pacht affgeëschet/ Tuget widers dat hem nit wittich sij wu
      ind mit wat titell Wilhm Storms in gebruick ge-
      komen sij des huses binnen Brefoirt mit sin tobe-
      hoir/ dairin hie itzunder wonende is/ anders dan
      dat hie seder sins moder doet darin gewont hebbe/
      Und off hie mit sin moder darin to wonen plach
      is hem onbewust/ Ingelicken weet hie nit
      mer up die ingestalte ansprake t'seggen off to tugen/
      Diese beide getugen hebben dit mit oren waren
      woirden und bij orer sielen salicheit gesagt/ Ind
      sinnen des eedes up gesinnen ten apenen dagen
      t'doen als sich na rechte behoren sall.
      Bron: ADW, ORA Bvt inv.nr. 40 fol. 20v-21

      12 juni 1553:
      ohan Walraven/ als substituerter des fulmechtigen
      Catharinen Neils/ heft sich mit recht laten inleij-
      den tot ors Catarinen quoten ind gerechticheit des
      huses/ haeves/ goirden/ landes/ sandes/ sampt des erfs
      ind gudes Ter Slicht/ in den kerspell van Alten
      gelegen/ mit allen olden ind nijen tobehoir als
      darin selige Wilhm Storms verstorven is/
      Ind begert hirvan die wetten t'doen an Wilhms
      vurgenante erfgenamen ind kinder/ als Johan ind Gert
      Storms to Wenterswich/ Tyman Qwitinck
      binnen Brefort/ als man ind mombar Nale
      Stormss siner husfrouwen/ ind Johan Storms die jonge
      of sinen kindern to Kalckar/ gebreck siner.

      23 juni 1553:
      Johan Storms to Wenterswick voir hemsolfs
      ind mede als fulmechtich Gert Storms ind
      Timan Qwitinx heft tegen Johan Walraven
      als substituerter des fulmechtigen Catarinen
      Neils beschene inleidonge/ inholt des signaets
      uthleidonge gedaen/ Ind is den parthien
      angestempt worden hirop oirs gerichtzdag
      daronder die vurgenante guder gelegen sint tho
      gewarten als erstlich na anstaenden bow
      verkundigt ind geholden sall werdenn.
      Bron: ADW, ORA Bvt inv.nr. 40 fol. 42

      22 november 1553:
      Johan Walravens/ fulmechtich Catarinen Storms/
      gesint Johan Storms/ ind alss fulmechtich
      siner ander broder ind suster/ oir antwurt
      in t'brengen/
      Johan Storms segt hie befint den fulmechtich
      alhir im Ampte nit geërft of gegudet/ solle
      darum schuldich sin borge ind gelove to stellen
      die sache alhir mit recht uth t'dragen/ Ind
      oick voir die onkosten/ so hie in siner
      furderunge onfundirt befunden worde/

      Johan Broill heft als borge gelaeft dat die
      vurgenante fulmechtige die sache mit recht sall
      uth dragen/ Ind oick is he borge worden voir
      die onkosten/ so die fulmechtige vurgenant nederfellich
      gewunnen worde/
      Johan Storms vurgenant heft gedinget op die waer und
      dairup sin erste verst g'nomen/
      Bron: ADW, ORA Bvt inv.nr. 40 fol. 97v

      22 november 1553:
      ohan Walravens/ fulmechtich Trinen Storms/
      spreckt an mit rechte om kuntschap der waer-
      heit Wilhm to Buckelo of Smits/ of hie ock
      ertides gekant hern Gerrit Storm/ to Isselborch gestorven/ ind of die
      her Gerrit ock ein ful echte rechte suster gehat
      Catarine Storms/ noch wonachtich to Dusseldorp/
      Ind of desolve Catarina ock enen man
      gehat hebbe geheten Gerrit Neels und onder on
      beiden getelt Johan Neils/ des itzigen producenten
      huisfrowen vader seliger/ Voirt of
      her Gerrit Storms vurgenant bis in sinen sterf-
      dach dat guit Ter Slicht voir sin egen gehat
      ind gebruickt ind die opkompsten darvan
      geboirt heb/ Voirt wes hem wittich sij/ of
      hie ock gekant seligen Wilhm Storms moder/
      geheten Gebbe/ ind wer Wilhms vurgenant vader
      gewest sij/ Ind of Gebbe ock gedagten hern
      Gerrits ind Catarinen fulle suster gewest
      sij/ Item of desolve voir of na hern Gerrit
      dodes afgangen sij/ ind wu lange heth
      het geleden dat her Gerrit gestorven sij/
      Die warheit t'seggen bij penen van 100 goltgulden
      ind schaden mit recht/

      Wilhm tuget dat hie seligen hern Gerrit Storms
      wall gekant hebbe ind is to Isselborch gestorven/
      Ind dat hie ein echte rechte fulle suster van
      vader ind moder gehat hebbe g'nompt Catarina
      Storms die noch/ sins beholdens/ to Dusseldorp
      wonen mach/ Ind dat desolve Catarina
      tot oren echten man gehat hebbe enen genant
      Gert Neilss ind darbij getelt ind gehat
      Johan Neils/ die deser tuich ock wel gekant
      heft/ Ind dat Johan Neilss des producenten
      huisfrouwen vader gewest sij/ Tuget widers
      dat her Gerriddes vurs. selige vader/geheten
      Johan Storms/ hem dat guit Ter Slicht hebbe
      gegeven dat hie darup sin erste misse singen
      solde/ Ind dat her Gerrit ock sin levenlanck
      die pechte darvan geboirt hebbe/ Tuget oick
      dat hie wall gekant hebbe seligen Wilhm
      Storms moder/ genant Gebbe/ Ind dat desolve
      Gebbe seligen hern Gerrit Storms ind Catha-
      rinen Storms fulle suster gewest sij/ Innd
      dat selige Wilhm Storms vader ein preister gewest
      sij die to Arnhem doet geslagen wort/ als hie
      wal heft horen seggen/ dan heft den nit gekant/
      Tuget widers dat her Gerrit Storms gestorven
      sij voir ind eer Gebbe Storms/ Ind dat zie
      na orss broders doet die pacht van den gude Ter
      Slicht plach t'boren/ Ind weet nit wu lange
      geleden sij dat Her Gert vurs. gestorven sij/
      Ind dat Gebbe gestorven sij geleden onge-
      ferlich 25 jaren/
      Den eet up wider bedencken hem geferst bis
      ten neigsten gerichte of wider gesinnen/
      Bron: ADW, ORA Bvt inv.nr. 40 fol. 99-100



Library z-lib z-library zlibrary project